CEBU, Philippines - Makadiyot lang ‘naibtan og tunok’ ang kapolisan dihang nakaeskapo ang kontrobersiyal nga anak ni Talisay City Mayor Socrates Fernandez nga si Joavan Fernandez niadtong Miyerkules sa gabii.
Si Joavan nadakpan niadtong Lunes sa gabii ug nakuhaan og armas ug granada, apan nakaikyas si Joavan gikan sa karsel human niya lipata ang jailer nga si PO2 Leandro Azarcon.
Base sa report giingong ang asawa ni Joavan nga si Mayet nagdala sa ilang upat ka mga anak pagbisita sa detention cell nga nahimutang ubos nga bahin sa city hall building diin gipriso si Joavan.
Si Joavan giingong mihangyo kang Azarcon nga mogakus sa iyang mga anak ug tungod sa “humanitarian reason†gitugotan kini ni Azarcon ug giingong gipagawas niya kini gikan sa karsel.
Apan giingong nalipat si Azarcon ug mikaratel og dagan si Joavan ug gibiyaan ang iyang pamilya. Sumala pa nga misakay si Joavan sa usa ka “Adventure†nga kolor green nga nagtangag sa plakang SJT-488 nga naghuwat diha sa gawas nga giingong gimaneho sa usa ka job order sa city hall.
Sa pakisusi sa mga tigbalita kagahapon sa buntag si Asaria Cañal, admin officer 3 sa General Services Office mibutyag nga ang maong sakyanan iya sa siyudad ug usa kini sa tulo nga service sa mayor. Si Mayor Fernandez kinsa atoa sa Surigao nga nahinabi sa tigbalita pinaagi sa cellphone nagkanayon kini nga igo na lang siyang mipatulo sa iyang luha dihang nahibaw-an niyang miikyas si Joavan.
Matud sa mayor nga nabalaka siya sa seguridad niini ug miawhag niini nga mosurender na lang. Matud niya wala siya’y kalibutan kabahin sa paggamit sa iyang service vehicle atol sa pag-eskapo ni Joavan.
Sa laing bahin, si Talisay City Vice Mayor Alan Bucao kinsa maoy chairman sa komitiba sa kahusay ug kalinaw sa siyudad sa tipik sa iyang mensahe sa text nagkanayon kini nga: “We are surprise of the incident and expecting for Talisay PNP to do their job as expected. How we wish that Joavan will squarely answer all allegations in the proper forum with all due respect to his father Mayor Soc.†(Brenda D. Batuto/EIM) (BANAT NEWS)