CEBU, Philippines - Mi-issue og Cease and Desist Order si Lapu-Lapu City Mayor Paz Radaza batok sa Cebu Yellow Submarine Undersea Tour Corporation kagahapon tungod sa giingong aksidente nga gikalambigitan niini niadtong Abril 24 nga migawas sa YouTube.
Ang maong aksidente gititulohan sa YouTube nga “Coral Crusher†diin gipakita nga ang Yellow Submarine mibangga sa usa ka coral reef dihang moliko na unta kini.Ang Yellow Submarine didto ni-dock sa Imperial Palace Water Park Resort and Spa ug gipanag-iya sa Cebu Yellow Submarine Undersea Tour Corporation.Gimando usab ni Radaza sa operator ang pagsumitir og show cause sud sa lima ka adlaw kun nganong dili mahimong kanselahon ang ilang Mayor’s Permit.
Gikatakdang mopagawas og press statement ang operator sa maong submarino sa ipatawag nga press conference karong adlawa sumala pa sa Imperial Palace Water Park Resort and Spa. Samtang susihon usab sa Department of Environment and Natural Resources (DENR) ang damage sa maong reef. (BANAT NEWS)