CEBU, Philippines - Naukay ang kadagkuan sa nagdumala sa San Perdro Calungsod chapel nga nahimutang sa South Road Properties human ang usa ka lawak niini gisulod ug gikuha ang kwartang nagbalor og kapin P100 mil.
Ang hepe sa kapolisan sa dakbayan sa Sugbo Sr. Supt. Mariano Natuel personal nga miduaw sa chapel kini aron sutaon kun tuyo nga gikawatan ang maong chapel.
Matud pa ni Natuel nga ang lawak sa madre diin nahimutang ang kwarta didto kini nga nahimutang usab sa underground nga bahin sa maong chapel maoy gisulod sa wala pa mailhing kawatan.
Dugang pa ni Natuel nga bugtong adunay kwarto sa nahisgutang lawak mao lamang ang madre ug ang gwardiyang duty niadtong tungura.
Butyag pa ni Natuel nga ila karun nga gipaubos sa imbestigasyon ang gwardiyang nag-duty niadtong tungura ug ang madre.
Giingong nakuha gikan sa lawak sa gibutangan sa kwarta mao ang tseke nga nagbalor og kwatro mil ug cash diin ang tanan mikabat ngadto sa usa ka gatos ka libo.
Usa sa gisusi karun sa kapolisan mao ang anggulo nga inside job human sa pagpahigayon og inspeksyon ni Natuel nga susama sa wala kini force entry nga nahitabo. (/EIM) (BANAT NEWS)