CEBU, Philippines - Miabot kagahapon dinhi sa Sugbu ang bana sa babayeng giingong kapuyo sa mayor sa Masbate nga namatay sa ambush niadtong Lunes sa buntag diha sa Pier 3 ning dakbayan kauban ang igsuon sa mayor nga konsehal nga napusilan usab.
Ang kanhi mayor sa Placer, Surigao del Norte nga si Charry Mangacop midangop sa buhatan sa Criminal Investigation and Detective Group (CIDG-7) ug sa Cebu City Police Office sa tuyo nga makuha ang patay’ng lawas sa asawa nga si Crisanta Lauro. Niadto pang Martes sa buntag nakuha na ni Pio V. Corpuz Mayor Herminigildo Betonio III ang lawas ni Lauro.Saysay pa ni Mangacop nga niadtong Disyembre 14 sa miaging tuig, dihang miuli siya gikan sa tulo ka bulang pagpatambal sa Butuan human nabali ang iyang tiil, wala na siyay naabtan sa ilang panimalay.
Gipadayag usab ni Mangacop nga andam siya nga mopaubos og imbestigasyon malimpyuhan iyang pangalan.“Yes! I am willing, that’s why I am here, I am submitting myself para naman madungog akong side,†pasabot pa ni Mangacop.
Samtang giklaro usab ni Mangacop, nga dili pa sila annulled ni Lauro sukwahi sa migawas nga report gani gipresentar niya ang dokumento nga dili pa gyud sila buwag.Giawhag ni Mangacop si Betonio nga iuli iyang mga anak ug ilang sakyanan tungod kay wa siyay pagdumot kang Betonio bisan pa man sa nahitabo. (BANAT NEWS)