CEBU, Philippines - Mipasaka og reklamo si independent bise-gubernatorial candidate Glenn Soco sa buhatan sa provincial Comelec batok ni acting vice-governor Agnes Magpale kabahin sa Suroy-Suroy Sugbu nga basin gamiton alang sa pagpangampanya karong umaabot nga Abril 27-29 sa isla sa Camotes.
Iyang giklaro nga ganahan siya sa maong programa apan kinahanglan nga i-postpone una ni Magpale ang suroy-suroy ug ibalik na lang human sa eleksyon aron patas ang pangampanya sa tanang partido.
“You should be true to yourself,†matud ni Soco, ang tinuod nga tuyo niini mao ang pag-promote sa turismo sa probinsya sa Sugbu apan dili kalikayang nakabentaha niini si Magpale nga makapangampanya ug magamit ang resources sa gobiyerno.
Sumala pa ni Soco nga kaniadto gisaway ni Magpale ang pagpanghatag og financial assistance ni suspended Gov. Gwendolyn Garcia apan mao kini karon ang gihimo ni Magpale nga nanghatag og financial assistance sa mga Day Care Workers, tanod ug uban pa.
Sa pikas bahin, matud pa sa interview sa Banat News kang Magpale, “institutionalized†na kini ug aduna nay schedule para sa maong aktibidad ug dili na kini mamahimong ma- postpone.
“Dili ko pareha niya nga manghatag og picture,†matud pa ni Magpale kabahin sa pagpanghatag ni Soco og mga kalendaryo nga adunay hulagway niya sa Suroy-Suroy niadtong Agosto sa barangay Lamac sa lungsod sa Pinamungahan.
“I have delicadeza!†pagklaro pa ni Magpale nga iyang giklaro nga mamahimong moapil ang mga local bets ug bisan na si Soco kung mobayad sila niini ug dili parehas ni Soco kaniadto nga ‘libre.’
Samtang usab giklaro ni Magpale nga dili siya sigurado nga makatambong sa maong adlaw. (BANAT NEWS)