CEBU, Philippines - Ang kapikas ni kanhi konsehal Sylvan “Jack†Jakosalem kinsa kandidato sa pagka-konsehal ubos sa Team Rama miangkon nga siya wala mangandam sa pagpuli sa iyang bana.
“While that is a possibility, I am not really preparing for it because I believe that public service is something not rehearsed. It should come from the heart,†si Sharon Jakosalem namahayag.
Tungod sa kahimtang sa panglawas ni kanhi City Traffic Office Management chief Jack, wala kini makasalmot sa mga campaign sorties sa partido.
Siya naospital sa niaging tuig ug gikatahong mipaubos sa operasyon ug karon anaa na sa rehabilitation stage.
Ang iyang asawa maoy nag-representar kaniya atol sa mga pulong-pulong libot sa dakbayan sa Sugbo.
“I have not joined any handshaking but I attend the party pulong-pulong. The party also understands that I have to manage our house, Jack’s recovery and our two kids,†dugang ni Sharon.
Siya miangkon nga dili lalim ang iyang kahimtang sa pagkakaron apan iya kining gipaningkamotan.
“I have to do all of these because it is my responsibility to continue Jack’s heart for service. When he filed his candidacy, he was already not feeling well but he pursued because he really wanted to serve,†ang kapikas ni Jack miingon.
Mipasabot si Sharon nga aron maatiman ang iyang duha ka anak, kasamtangan kini karong anaa sa balay sa iyang inahan ug iyang makauban matag weekend aron usab makaduaw sa ilang amahan.
Sa pagkakaron, ang Team Rama wala modesisyon kung pahulipan ba ang ilang kandidato apan ang ilang pangulo nga si Mayor Michael Rama una nang namahayag nga ang ilang legal team iya nang gimanduan sa pag-andam sa bisan unsang posibilidad. (BANAT NEWS)