CEBU, Philippines - Karong adlawa ilusad ang proclamation rally sa oposisyon sa siyudad sa Toledo nga pangulohan ni kanhi senador John Henry “Sony†Osmeña ug kanhi kongresista Antonio Yapha.
Si Osmeña modagan sa pagka-mayor samtang si Yapha sa pagka-bise mayor sa maong siyudad sa ilang Team Panaghiusa uban sa ilang lineup sa pagka-konsehal nga sila si Merly Abad; Zosimo Abellanosa; Anecito Alferez; Faustino Barcenas; Pedrito Basadre; Ricky Blanco; Teresito Largo; Franfran Alonso-Lee; Ricardo Rafols Jr.; ug Florencio Tomarong.
Sugdan pinaagi sa usa ka Santos nga Misa alas-2 sa hapon ang kalihokan diha sa St. John of Sahagon Church, sa Poblacion Toledo City ug gikan didto usa ka motorkada ang himuon palibot sa siyudad.
Ang proclamation rally anha himuon sa Consolatrix ug gipaabot nga manambong ang liboang mga lunod-patay nga mga supporters sa mga Osmeña ug Yapha sa maong syudad.
Gipaabot usab nga motambong sa maong kalihokan si acting governor ug reelectionist vice governor Agnes Magpale, kandidato sa pagka-kongresista mayor Geraldine Yapha ug kandidato usab sa pagka board member nga si Grecilda Sanchez-Zaballero.
Aron usab lingawon ang katawhan adunay mga artista gikan sa kaulohan ang gikatakdang motambong atol sa maong kalihokan. (BANAT NEWS)