CEBU, Philippines - Ang Home Development Mutual Fund (Pag-IBIG) gitakdang moimplementar og mga bag-ong sistema karong Mayo ning tuiga aron matuman ang mas paspas nga serbisyo niini ngadto sa publiko.
Kini naglakip sa paggamit sa ilang Membership Identification (MID) o Registration Tracking Number (RTN) nga ilakip sa pagsumiter sa Members' Contribution Remittance Form (MCRF); Short Term Loan/Multipurpose Loan Applications; ug Monthly Remittance Schedule for Multipurpose Loan.
Matud pa ni Van Pepito, tigpamaba sa Pag-IBIG sa habagatang bahin sa Sugbo ang mga empleyado nga walay MID giawhag sa pagkuha gayud og RTN sa ilang Pag-IBIG Branch o ba kaha pinaagi sa internet sa e-services nga makita sa www.pagibigfund.gov.ph.
Giklaro ni Pepito nga ang RTN mahimong gamiton hulip sa MID.
Aron masiguro nga maposti gayud ang bayad sa mga empleyado, ang Pag-IBIG miimplemantar og Electronic Remittance Mode of Payment aron ang tanang Members' Collection Remittance Form (MCRF) ika-“save†sa USB.
Ang ubang mga kausaban naglakip usab sa schedule sa pagbayad sa mga remittance aron malikayan ang taas nga linya sa mga may transaksyon ngadto sa counter.
Si Rio Teves, Department Manager sa Pag-IBIG sa habagatang bahin sa Sugbo, nagkanayon nga nagpaabot siya nga sundon gayud sa mga membro ang tanang gimando nga sistema sa mga kausaban.
“As our partner in our continuing efforts to build a better and stronger Pag-IBIG Fund by delivering faster and more efficient services to you, we shall be expecting your full compliance with the above procedures as doing otherwise may result to delays or non-processing of your transactions such as multi-purpose loan availment and posting of contributions,†kini matud pa ni Teves. (BANAT NEWS)