CEBU, Philippines - Gihulagway nga nahipos na gyud sa hingpit ang grupo sa gun-for-hire gikan sa Polpogan, Consolacion human mapusilan patay ang giingong katapusang miyembro niini sa Barangay Subangdaku, Mandaue City Sabado sa gabii.
Napusilan patay sa kapulisan si Heronjo Lantaksi alias Jerry Danlag, ang giingong “hard core†ug tuong kamot ni Francisco “Boyet†Ariva, ang leader sa Boyet Ariva Group kansang upat ka laing miyembro napatay usab sa shootout sa kapulisan niadtong Huwebes dihang gi-ronda ang ilang hideout sa Polpogan.
Si SPO1 Reynaldo Solante sa Provincial Intelligence Branch sa Cebu Provincial Police Office, sa pakighinabi sa Banat News nagkanayon nga napugos siya og pusil kang Lantaksi tungod kay miakto kini og pusil kaniya.
Asoy pa ni Solante, nakadawat sila og taho nga ang ilang gipangita nga si Lantaksi anaa nagtago sa usa balay sa iyang amigo sa Subangdaku, kilid sa sapa, hinungdan nga mipahigayon dayon sila og operasyon ug giadto ang maong lugar alas-9 sa gabii niadtong Sabado.
Matud pa ni Solante, ilang nakit-an si Lantaksi nga nagbarog sa usa ka hawan sa lugar sa maong dapit nga daw adunay gihuwat apan dihang ilang giduol ug gimandoan sa pagtahan sa kaugalingon miibot kini og armas.
“Naka-civilian mi og sakyanan ug naka-plain clothes. Pagnaog pa lang namo sa sakyanan, nakabantay dayon, miakto og hulbot sa armas. Di g’yud mo-surrender,†matud pang Solante.
Apan naunhan kini og pusil ni Solante diha sa abaga ug dihang natumba dali nila kining gitabang ug gidala sa Mandaue District Hospital apan namatay kini pipila ka minutos ang nilabay. Ang bala, matud pa, nag-ungot sa abaga niini.
Narekober sa kabulisan ang armas ni Lantaksi nga usa ka kalibre .45 nga puno sa bala ug may nakapaak pang bala sa chamber niini.
Sumala pa ni Solante, si Lantaksi maoy nagsilbing tuong kamot ni Ariva ug mao usab ang gihulagway nga “hardcore†sa ilang grupo o kadtong kursunada kaayo.
“In fact, apil ni siya sa subject sa warrant nga atong gi-serve sa safe house nila didto sa Pulpogan last Thursday, unya nakaikyas,†dugang pa sa maong pulis.
Kung si Ariva adunay gi-angkong pito ka napatay, sutaon pa kung pila usab kang Lantaksi, apan mitug-an nang daan si Ariva nga ubay-ubay na usab ang napatay sa iyang kauban, matud pa kang Solante.
Si Lantaksi, Ariva, ug Rene Boy Tarriao nga usa sa napatay sa niaging Huwebes piyansado diay sa kasong paghupot og mga armas human sila nadakpan Alegria sa niaging Nobiyembre. Giingong aduna untay ‘target’ nga tawo ang grupo dihang sila nadakpan.
Sumala pa ni Solante, ang grupo ni Ariva nabisto tungod usab sa panagribal nila sa laing grupo sa mga guns-for-hire diha sa Liloan nga nalambigit usab sa illegal drugs.
“Sa sige sad nila og gamit og drugas. Nabulabog sila,†asoy pa ni Solante.
Niaging Huwebes, nakaikyas si Ariva ug Lantaksi gikan sa kapulisan nga nag-serve og upat ka search warrant sa ilang safe houses sa Barangay Pulpogan, Consolacion. Namatay sa shootout ang ilang kaubanan nga si Tarriao, Ian Siacol, Vicente Judaya, ug Jerson Resme. (BANAT NEWS)