CEBU, Philippines - Gipangita na karon sa katawhan sa Sogod ang mga gibubo ni suspended Gov. Gwendolyn Garcia nga financial assistance ug uban pang proyekto sa maong lungsod nga gidawat mismo ni Mayor Lissa Marie “Monyeen†Durano Estreegan.
Kini ang gitug-an ni Sogod Vice Mayor Nick Bacayo sa mga sakop sa media atol sa ilang tigum sa mga leader sa maong lungsod sa miaging adlaw.
Matud sa bise mayor nga gipangita na sa katawhan ang mga financial assistance nga angay untang magamit sa pagpahuman sa gitukod nga edipisyo sa munisipyo sa lungsod nga sa dugay nang panahon wala gyud mahuman hangtud karon.
Gisulayan og kuha ang habig sa mayor, apan wala sa iyang buhatan si Mayor Monyeen Durano busa wala siya makahatag og husay bahin sa giingong minilyon ka pesos nga gibubo sa Kapitolyo sa maong lungsod kun giunsa niya kini paggasto. (BANAT NEWS)