CEBU, Philippines - Unom ka dakbayan sa Central Visayas ang makadawat og mga firetruck gikan sa nasud sa Austria.
Si Bureau of Fire Protection (BFP) 7 Regional Director Maria Luisa Hadjula miila sa maong mga siyudad nga mao ang Sugbo, Talisay, Mandaue, Lapu-lapu, Tanjay ug Bayawan.
Kagahapon sa alas 4:00 sa kaadlawon hingpit nga gibuksan ang kasaulogan sa “Fire Prevention Month†pinaagi sa “Walk for A Fire Free for A Safe Nation†gikan sa Cebu City Fire Department paatubang sa uptown nga bahin sa dakbayan ug balik ngadto sa ilang buhatan.
Ang tema sa kasaulogan karong tuiga mao “Sunog at Sakuna Paghandaan, Kalikasan ay pangangalagaan upang matamas ang Pag-Unlad nang Bayanâ€.
Giawhag usab ni Hadjula ang tanang barangay ug katawhan nga mag- aktibo sa pagbantay sa sunog ug pagpugong nga kini mahitabo.
Gani, aduna silay fire prevention program nga mao ang barangay-ugnayan diin ang tanang local fire department makig-alayon sa tanang opisyal sa barangay aron ilang mapahibalo ngadto sa katawhan ang luwas nga pamaagi batok sa sunog.
Gipasabot ni Hadjula nga ang safety magsugod gayud sa panimalay hinungdan nga iyang gi-aghat ang tanan nga magmatngon.
Gawas sa ilang pagbaklay, ang BFP-7 mipakita na usab sa ilang katakos sa pagrespondi sa alarma sa sunog ug sa pagluwas sa mga mabiktima nga malit-agan sulod sa balay o establisemento nga masunog. (/WC) (BANAT NEWS)