CEBU, Philippines - Upat sa lima ka mga suspetsadong tulisan kinsa giingong mitulis sa upat ka mga tawo duha niini menor de edad ang nasikop sa gipahigayong hot pursuit operation sa mga polis kagahapon sa kadlawon.
Ang mga nasikop mao sila si Crispin Manondo, 31-anyos taga Upper Riverside, barangay Dumlog, dakbayan sa Talisay, Reynante Otero, 38, taga sitio Ilang-ilang, barangay San Isidro, Talisay, Cris Abarcas, 30, taga Upper Riverside, Dumlog ug Geovani Diamantes, 22, taga sitio Ilang-ilang, San Isidro.
Samtang ang ilang kauban nga si Rolly Molero, 20, taga sitio Villa Bulsita, barangay Bulacao, Pardo, dakbayan sa Sugbo padayon pang gipangita sa mga polis.
Ang mga biktima mao sila si Daniel Restauro, 22, Jojo Peñaranda, 15, taga sitio, Jose, Dumlog usab, Mitch Camingawan, 17, parehong mga taga sitio San Jose, barangay Dumlog ug Ricardo Catubig, 22, taga sitio Cruzan, barangay Bulacao, dakbayan sa Talisay.
Giingong nakuha sa mga suspetsadong tulisan ang usa ka Nokia 1616 cellphone nga nagkantidad og P800 gikan kang Restauro samtang usa ka kalo nga kolor itom nga nagkantidad og P500 ug silver nga kwentas, P1,800 ang nadala sa mga tulisan gikan kang Catubig.
Sa imbestigasyon sa kapolisan nga sa wala pa mahitabo ang insidente ang mga biktima naglakaw kini gikan nanuroy paingon na untang mopauli.
Apan pag-abot sa lugar nga nahitaboan kalit lang mitungha ang mga suspetsado ug mideklara kini og “hold upâ€.
Si Peñaranda mipasangil nga gipanukmag siya ni Molero samtang si Otero giingong mition kanila og .38 kalibre nga pusil laing suspetsado ang armado og ice pick.
Ang mga suspetsado giingong mimando kang Restauro ug Catubig nga itunol ang ilang mga personal nga butang.
Human sa maong hitabo ang mga suspetsado dali kaayo kining mibiya sa lugar apan nasikop sa gipahigayong hot pursuit operation nila ni SPO1 Rolando Bastida, PO3 Benedicto Lasque, PO3 Ferdinand Pablo, PO2 Achilles Cabando ug PO1 Ranulfo Villaver Jr.
Na-recover sa mga polis gikan sa posisyon ni Abarcas ang Nokia 1616 nga cellphone.
Ang mga suspetsado gikatakdang pasakaan og kasong robbery ug kalapasan sa Akta Republika 7610 kon “Violation Against Women and Children). (BANAT NEWS)