CEBU, Philippines - Giklaro ni Catarman barangay captain Jimmy Maglasang nga dili matawag nga vote buying ang iyang gihimo nga pag-apod og packed lunch atol sa campaign rally sa Liberal Party niadtong nakalabay nga adlaw nga Miyerkules.
Si Maglasang posibleng mag-atubang og imbestigasyon sa Comelec tungod sa alegasyong nagpakaon siya atol sa rally nga gitambongan og kapin sa 3,000 ka mga tawo diha sa Tayud Sports Complex.
Ang paghatag og libre o “free of charges†ug bisan unsang butang, libreng sakay gikan sa mga politiko lima ka oras sa dili pa ug pagkahuman sa usa ka political rally maisip nga kalapasan na sa Election Code.
Si Maglasang maoy standard-bearer sa Liberal Party-Bakud (Barug Alang sa Kauswagan ug Demokrasya) coalition, ug makig-atbang kang reelectionist Mayor Vincent Franco “Duke†Frasco, ang umagad ni suspended governor Gwendolyn Garcia,sa umaabot nga eleksyon.
Si Maglasang maoy mi-organisar sa maong LP rally nga gitambongan sa Team PNoy senatorial slates.
Lima lang sa dose ka senators sa Team PNoy ang mitambong sa maong rally nga mao sila si Senators Antonio Trillanes ug Koko Pimentel III, Presidential cousin Paolo Benigno "Bam" Aquino IV, kanhi senators Ramon Magsaysay Jr.,kanhi party-list representative Risa Hontiveros.
Wala makatambong si Presidente Benigno Aquino tungod sa gitambongang kalihokan sa siyudad sa Lapulapu.
Matud pa ni Maglasang sa gipadalang pamahayag dinhi sa Banat News dili siya maoy direktang nihatag sa maong mga pagkaon sa mga tawo.
Sumala pa niya ang packed lunch gitagana alang sa mga organizers ug sa mga sakop sa Team PNoy nga mitambong apan tungod sa maayong pamatasan ilaha kini gi-share sa mga tawo.
“As far as the food is concerned, those were prepared by local supporters. In fact, not all were able to get food since those were actually for the organizers but we had to give them to the people because many were complaining that they are starving,†sumala pang Maglasang.
Giangkon usab niya nasayop siya sa pagsabot sa mga pangutana sa mga sakop sa media. “I was overwhelmed with the turnout of the rally and misunderstood the question. What I meant was the preparation of the venue was sponsored by LP.†(BANAT NEWS)