CEBU, Philippines - Gipasalig ni Zambales Representative Mitos Magsaysay ang pagpatuman sa tinuoray’ng reporma sa batakang serbisyo sa tibuok nasud susama sa iyang gihimo didto sa iyang distrito sa Zambales.
Si Mitos Magsaysay miladlad sa iyang adbokasiya atol sa pagbisita niini dinhi sa Sugbo atol sa proclamation rally sa United Nationalist Alliance (UNA) sa miaging semana.
Ang maong rally maoy una nga gihimo sa partido atol sa pagbukas sa campaign period sa mga nasudnong kandidato diin si Magsaysay usa sa mga kandidato pagka-senador sa UNA.
Si Magsaysay nga anaa karon sa ikatulo ug katapusang termino isip kongresista sa Zambales miduso sa iyang mga programa alang sa free health services, libring tambal, laboratory testing, scholarship sa mga kabus nga tinun-an, skills training ug dugang mga infrastructure projects nga mapatukod sa nagkalainlaing bahin sa nasud kun buligan sa umaabot eleksyon sa Mayo.
Matud niya nga kining maong mga programa ug proyekto iyaha na nga napatuman didto sa iyang distrito sa Zambales apan gipasalig niya nga iya usab kining himoon ug ipatuman sa tibuok nasud kun molampus ang iyang kandidatura sa eleksiyon nga umaabot. Gitawag ni Magsaysay nga “Serbisyong Gobyerno, Hindi Negosyo. Dapat Libre†ang angay nga itawag sa iyang adbokasiya.
Nunot niini mapasalamaton si Magsaysay ngadto kang Bise Presidente Jijomar Binay, ang pangulo sa UNA sa kompyansa niining gihatag kaniya ug gituohan niyang usa sa hinungdan niini mao nga managsama sila og panglangtaw nga mao ang pagpalambo sa nasud nga Pilipinhon. (BANAT NEWS)