CEBU, Philippines - 1809—Natawo karong petsaha si Charles Robert Darwin. Ang English naturalist kansang teoriya nga ang tawo naggikan sa kaliwat sa mga unggoy gisaway ug gikontrahan sa Simbahan ug gitawag siyang usa ka heretic o irihis. Siya maoy mipaila sa Theory of Evolution diin ang labing banggiitan sa tanang nabuhi dinhi sa kalibotan maoy mahibiling survivor sa pagdagan sa mga panahon nga iyang gitawag og “Natural Selection†o “Survival of the Fittest.†Siya maoy nagsulat sa mga librong On the Origin of Species by Means of Natural Selection (1859) ug The Descent of Man, and Selection in Relation to Sex. Mao kini ang mga librong gidili sa Vatican nga ipabasa sa mga tumutuo niini. Namatay si Darwin sa edad nga 73-anyos niadtong Abril 19, 1882.