CEBU, Philippines - Ang direktor sa Police Regional Office-7 Marcelo Garbo Jr., miklaro nga tighatud ug tigpatuman ra ang regional headquarters sa mensahe o kamandoan gikan sa ilang ulohang buhatan sa Camp Crame.
Kini may labot sa temporaryong pagbutang sa Camp Crame kang Sr. Supt. Mariano Natu-el Jr. isip hulip kang Sr. Supt. Melvin Ramon Buenafe isip officer-in-charge sa Cebu City Police Office.
Matud pa si Cebu City Mayor Michael Rama mipadala na og sulat nga patas-an pa ang serbisyo ni Buenafe isip city director.
Si Rama mipili usab kang Sr. Supt. Noli Romana isip hulip ni Buenafe apan wala pa kini ma-approve sa Camp Crame.
“I know his (Rama) choice was another officer but we cannot do anything because Crame has decided on designating Natu-el as OIC,†matud ni Garbo.
Si Garbo miangkon nga ang desisyon sa Camp Crame nakapakurat usab kaniya dihang iyang nakita ang order gikan sa national headquarters.
Sa pagkakaron si Natu-el una ang magpabilin nga OIC sa CCPO samtang nagpaabot sa approval sa suwat nga gipadala ni Rama.
Si Garbo midugang nga ang Camp Crame mipatuman na karon og istrikto nga polisiya nga “2-year tenure†sa tanang city directors, provincial directors ug mga opisyal nga naghupot og posisyon labi na nagsingabot ang 2013 elections.
Sa pakighinabi ni Buenafe kang Garbo sa wala pa kini mabalhin, si Garbo misaysay nga gusto na nga mobiya ni Buenafe isip city director human kini gitanyagan og nindot nga posisyon sa Camp Crame.
“Alam natin na magaling si Buenafe pero pagod na rin siya and he wanted to grab an opportunity offered by the Camp Crame,†matud ni Garbo.( EIM) (BANAT NEWS)