CEBU, Philippines - Si Bokal Julian Daan gipasidan-ang posibleng manubag sa balaod tungod sa pagdumili pagdawat sa tahas nga gisangon kaniya isip acting bise gobernador sa probinsiya sa Sugbo.
Kini human si Bise Gobernador Agnes Magpale gipapanumpa na sa Department of Interior and Local Government (DILG) isip acting governor sa probinsiya human si Gobernador Gwendolyn gisuspenso.
Kagahapon sa report sa TV Patrol Central Visayas nag-atras abante kini sa iyang hukom, una, misanong kining dawaton ang gisangon ug mananghid kang Garcia nga mohural na siya sa pagdawat sa katungdanan apan sa kataposan mibalibad kini nga dili na modayon.
Kahinumduman nga si Daan kaalyado kini ni Garcia sa One Cebu Party. Matud usab ni Daan nga dili una siya magdali-dali diin huwaton lang una niya ang resulta sa pag-apelar sa gobernadora kabahin sa Temporary Restraining Order (TRO).
Si Daan nagkanayon usab kini nga maghuwat na lang siya og waiver gikan sa DILG pagpadayag sa iyang intensiyon. (BANAT NEWS)