CEBU, Philippines - Nakadungog na ba mo og iro nga nagparehistro sa Comelec?
Imposebli! Yes! Tinuod ni, kabutar man ganing patay!(Toink!/Aguy!) Hehehehehehehehe
Pero lahi sa gitawag og BSP kon boto sa patay tinud-anay ang tinguha pagrehistro sa iro nga si Chuckie.
Bunga ba sa ka inosente o kamaikogon sa pagpakisusi ang sugilanon nahitabo sa Comelec sa Siyudad sa Talisay.
Matud sa akong tinubdan usa ka batan-on nga nagdala og iro nangutana sa gwardiya.
Bitoy: Guard asa parehistro?
Ang gwardiya mitudlo sa buhatan sa Comelec.
Gwardiya: Diha bay pangayo lang og form.
Dayong duol sa batan-on sa Comelec ug nangayo og form sa kawani nga nag-atiman sa mga nagparehistro.
Paghuman og pil-ap sa form.
Kawani: Kinsa ni si Chuckie?
Bitoy: Nia ra sir.
Kawani: Ngano wala man ni apilido?
Ang batan-on mitan-aw sa iyang gidalang iro dayon:
Bitoy: Wala ra ba ko kahibawo unsay apelido ini da kay gipadala ra ni sa akong amo.
Kawani: Kinsa man diay magparehistro?
Bitoy: Ang iro.
Kawani: Sa beterinarya na do(Toink!/Aguy!)
Hastang sipyata hapit! (Toink!)
Hehehehehehehehehehehehe!
Posebling wala na lang mangutikuti ang batan-on tungod sa kadaghan sa nagparehistro. Ang wala lang niya mabantayi nga siya ray nagdala og iro (Toink!). Pareha ra gud sa karaan na kaayong komedya sa usa ka iyaan nga misugo sa pag-umangkon nga ginganlan og Hesus pagpalit og ginamos. Sa ka ignorante giingnan lang ang pag-umangkon nga basta daghang tawo mao nay tindahan.
Igo gyud nakaagi si Hesus sa kapilya nga nagdasok ang tawo ug tayming pud ang pagsinggit sa pari nga nagwali.
Pari: Unsay gianhi ni Hesus?
Hesus: (Singgit) Gisugo kog ginamos Noy…….. (Toink!/Aguy!)
Hehehehehehehehehehehehehehehe!
Wala gyud intawoy labot unta ang iro nga si Chuckie kun nalipat pa ang taga Comelec ug hingpit siyang narehistro.
Hinaot walay malipat sa mga tinud-anay nga magparehistro sa pila na lang ka adlaw nga nahibilin sa rehistrasyon. Bisan sa pagbisita na sa Comelec sa mga barangay pabilin gihapong nagdasok ang mga ulahing nagparehistro. Unsa man ning sakita natong mga pinoy? kanser? (Toink!/Aguy!).
(emailad:jomar_bellita@yahoo.com) (BANAT NEWS)