CEBU, Philippines — Archbishop Jose Palma, D.D uban sa pipila ka mga obispo ug kaparian sa Archdiocese of Cebu nangulo sa santos nga misa alang sa kapistahan sa National Shrine of St. Joseph sa Mandaue City nga adunay tema St. Joseph, Pilgrim Companion in Embracing Synodality through prayer, kagahapon Miyerkules, Mayo 8, 2024.
Atol sa homily sa Arsobispo, gidasig niini ang mga magtutuo nga sama ni St. Joseph bisan unsa ang sitwasyon andam makat-on nga mohatag sa atong kinatibuk-an nga pagsalig sa Ginoo.
Sumala pa sa Arsobispo bisan wala kaayo kita makasabot sa panghitabo kung aduna kitay pagtuo sa Ginoo, ug bisan dili kita takos angayan hunahunaon nga sama ni St. Joseph kita moingon nga Amen.
Nanawagan kini alang sa padayon nga pag-ampo aron ang National Shrine of St. Joseph mahimo na kini nga Minor Basilica aron ang katawhan maka encounter ni St. Joseph ug mahikap sa amahanon nga gugma niini.
Ang mga opisyal sa dakbayan sa Mandaue nga gipangulohan nila ni Mayor Jonas Cortes ug kongresista Lolypop Dizon, uban sa mga opisyal sa dakbayan mipaambit usab sa ilang pagtimbaya sa katawhan sa pista ug sa ilang mga mensahe ug pagdayeg sa tanang grasya nga gihatag ni St. Joseph. (BANAT NEWS)