CEBU, Philippines - Prayoridad sa Cebu City Office of the Substance Abuse Prevention (COSAP) ang mga tanod sa barangay sa ilang programa batok sa ilegal nga drugas.
Matud ni Dr. Alice Utlang, pangulo sa COSAP, nga daku ang papel sa mga tanod sa pagpatunhay sa kalinaw ug kahusay ug sila ang angayang mobadlong sa tiggamitan og drugas sa ilang lugar.
Nasuta nga mga tanod ang kasagarang napositibo sa paggamit og ilegal nga drugas sa drug test nga gipahigayon ngadto sa mga kawani sa kabarangayan sa dakbayan.
Si Mayor Michael Rama nisugyot sa COSAP nga hatagan og programa ang mga tanod nga mag-exercise, fun run, spiritual seminar ug values formation.
Laing plano ni Utlang ang pagpahigayon og surprise random raffle diin kun kinsa ang makabunot og letrang “U” paadtoon sa City Health aron magpa-drug test.Kadtong magpositibo, ipaubos sa rehabilitasyon aron makabalik sa trabaho. (BANAT NEWS)