CEBU, Philippines - Ang Department of Labor and Employment kon DOLE-7 niawhag sa mga negosyante nga sayohon paghatag ang 13th month pay sa ilang mga empleyado ning tuiga. Ang tigpamaba sa DOLE-7 nga si Emmanuel Ferrer miingon nga ang paghatag og 13th month pay matag tuig sa mga empleyado nalatid kini sa balaod sa pamuo ug gikinahanglan kini nga tumanon sa mga negosyante.
Sa miaging tuig, daghang mga kompanya ang gireklamo sa mga kawani tungod sa kapakyas paghatag sa ilang 13th month pay.
Sa gihapon, giawhag sa DOLE ang mga mamumuo nga dili magpanuko pagdangop sa ilang buhatan kung dili sila hatagan sa ilang 13th month pay aron kahimoan dayon og aksyon. (BANAT NEWS)