CEBU, Philippines - Babayeng giingong kauban sa Japanese national nga naghikog sud sa lawak sa giabangang hotel mipatim-aw sa Lapulapu City Police Office.Ang maong babaye kansang pangalan wa ibutyag sa kapolisan matud pa nagtrabaho sa usa ka KTV bar diin sila magkita sa Japanese nga si Onaka Kazumaza.
Sumala pa ni SPO1 Allan Pantaleon, imbestigador sa maong kaso ang maong babaye miangkong human sila magkaila gidala siya sa maong langyaw sa maong hotel.
Ang babaye nakuhaan pa og video footage sa CCTV camera sa hotel sa matag bisita niini sa maong langyaw sukad nga kini mi-check-in gikan niadtong August 27.
Si Kazumaza paninglan unta sa duha ka adlaw niyang abangan ug pangutan-on kung mo-extend human mapupos na niadtong Septiyembre 3 ang iyang abang. Apan nadiskubrehan na lang kini nga nagbitay na sa sud sa bathtub nga may hikot nga kurbata sa liog padung sa shower knob.Susihon pa usab sa mga imbestigador kung iyaha bang penmanship ang gisuwat nga suicide note. (BANAT NEWS)