CEBU, Philippines - Ang konseho sa dakbayan sa Talisay mipasidungog sa kapolisan sa maong siyudad tungod sa pagkasikop sa usa ka suspetsadong tulisan nga “ gun for hire†ug giingong mipusil ni PO3 Arnold Damasco.
Si Konsehal Danny Caballero, chairman sa komitiba sa kahusay ug kalinaw sa konseho sa siyudad mipalabang og resolusyon kagahapon sa pagpasidungog sa kapolisan sa siyudad nga sakop ni Superintendent Resty Santos sa pagsikop kang Joshua Tabera.
Si Tabera nasikop sa kapolisan sa Talisay sa ilang balay sa barangay Lawaan III, Talisay niadtong Agosto 24, 2013.
Si Tabera ug laing duha ka kauban niini kinsa giingong mga tulisan ug gun for hire maoy suspetsado sa pagpusil kang Damasco ug pagpusil patay sa pag-umangkon ni Senior Superintendent Audie Villacin.
Ang grupo ni Tabera giingong responsabli usab sa ubang mga insidente sa tulis sa Talisay. Usa sa ilang mga biktima mao ang tulo ka managhigalang Korean national sumala ni Caballero. (BANAT NEWS)