CEBU, Philippines - Napulo na ka mga tawo ang nasikop nga nakalapas sa Comelec gun ban matud sa hepe sa kapolisan sa probinsiya Senior Superintendent Patrocinio Comendador.
Gisugdan niadtong Enero13, 2013 ang Comelec gun ban ug matud pa ni Comendador sa pagbisita niini sa Talisay City Police Station sobra sa 10 ka tawo na ang nasikop sa kapolisan sa probinsiya.
Ang maong pagbisita sa hepe sa kapolisan sa probinsiya diha sa TCPS lakip kini sa iyang regular routine matag semana sa pagbisita sa mga police stations ubos sa iyang hurisdiksiyon.
Gawas niini gibutyag usab ni Comendador nga sa tuig 2012 sobra sa 500 ka mga lost firearms ang ilang mga nakompiska.( /EIM) (BANAT NEWS)