CEBU, Philippines - Gihipos dayon sa mga tinugyanan sa Department of Public Services (DPS) ang 30 ka tonelada nga basura sa mga sementeryo ning dakbayan sa Sugbo human sa duha ka adlaw sa mga minatay.
Matud pa ni Engr. Dionisio Gualisa, hepe sa DPS maayo kaayo ang pagkahipos sa maong mga basura.
Suma pa ni Gualisa nga wala sila’y nakuha nga tukmang komparasyon sa gidaghanon sa basura niining tuiga atol sa adlaw sa mga santos ug mga kalag itandi sa miaging tuig.
Apan nasuta ni Gualisa ang maong mga basura gikan sa mga pribado ug pampubliko nga mga sementeryo ning dakbayan.
Usa sa rason niini mao ang pasiuna nga clean-up drive nga gihimo sa mga sakop sa DPS sa wala pa ang kalag-kalag.
Mapasalamaton si Gualisa sa publiko sa gihimo niini nga kooperasyon sa saktong paghipos og basura. (BANAT NEWS)