Pagtakod sa TB
CEBU, Philippines - 1892— Namatay ang French Army physician nga si Jean Antoine Villemin kinsa maoy mipamatuod sa tanang mga doktor nga makatakod ang sakit nga tuberculosis (TB) ug dili hereditary o gikan sa kaliwat. Si Villemin kinsa nadestino sa mga kampo nakabantay nga kung dunay usa nga nasakit og TB sulod sa usa ka barracks dako ang peligrong matakdan ang mga kaubanan niini. Sama sa pagtakod sa mga sakit sa kabayo ngadto sa rabbit o sa baka si Villemin mikuha og usa ka rabbit ug mikuha og TB material gikan sa usa ka namatay nga pasyente sa sakit nga TB ug gipatakdan ang rabbit. Paglabay sa tulo ka bulan dunay mga nakit-ang mga sakit sa panit sama sa dunay sakit nga TB ang maong rabbit. Daghang mga doktor ang mituo niini apan duna gihapoy wala, apan sa kadugayan ang pagtuon nga gihimo ni Villemin maoy gibasehan sa modernong pamaagi sa pagtratar sa may sakit nga TB.