ILOILO CITY, Philippines --- Gihagit sa Police Regional Office-6 si Provincial Board Member Gerardo Flores (1st district, Iloilo) sa maong lalawigan nga panganlan ang police officials nga giingong nagdawatan og payola money gikan sa mga illegal gambling operators aron dili mapagan ang uban.
Si Chief Supt. Agrimero Cruz, Jr., PRO-6 director nagkanayon nga ang alegasyon ni Flores nga daghang mga lokal nga opisyal ug opisyales sa kapolisan ang nagdawatan og suborno isip ‘proteksyon’ sa mga gambling lords dili makatarunganon
“Unfair sweeping statements, so, it is but fair na pangalanan na kung sino ‘yung mga involved para hindi na nadadamay ang mga inosente,” hagit pang Cruz. Ang maong pamahayag gihimo ni Flores sa iyang privilege speech sa Hunta Probinsyal nga giingong dunay dili beripikado ug dili pa kompirmadong report siyang nadawat nga may mga mayor ug provincial police office ang giingong nagdawatan og P30,000 ngadto sa P50,000 nga binuwang payola, samtang ang mga hepe sa kapolisan sa kalungsoran tag P5,000 ngadto P10,000, ug ang regional director P100,000 ngadto sa P200,000 matag bulan.
Si Flores kinsa usa ka retiradong heneral sa kapolisan wala hinuon masayod kung pilay binulang madawat sa usa ka gobernador apan iyang ginganlan ang tulo ka illegal gambling operators nga usa ka Jucaban, Odicta, ug Onglatco.
Si Cruz, sa iyang tubag sa pamahayag ni Flores ang PRO-6 nangusog sa counter-intelligence operations batok sa mga polis nga gidudahang nalambigit sa mga ilegal nga kalihukan. “But I could not categorically say there were policemen involved because that would compel us into filing criminal and administrative charges against them,” matud pa niini.
Nanawagan usab siya sa katilingban kung dunay kasayuran sa mga ingon niini kinahanglang suportahan nila kini og ebidensya. “In that way, we could file appropriate charges against them,” dugang pa niini kinsa mihimakak nga dunay jueteng operations sa Western Visayas ilabi na sa Iloilo Province ug Iloilo City. "We have no reports of jueteng operations in this part of the country, though, bookies remains unabated," dugang pa niya. (BANAT NEWS)