CEBU, Philippines - Wala makalikay ang kapin sa 20 ka mga drayber sa public utility jeepney (PUJ) sa kinalit nga random drug testing kagahapon sa buntag diha sa barangay Lawaan syudad sa Talisay, tulo kanila positibo.
Ang tulo ka mga drayber ang gikuhaan sa ilang mga lisensya human sila magpositibo sa ilegal nga drugas ug samtang sutaon pa sa confirmatory test ang ilang mga ihi.
Sa miaging bulan, unom usab niini ang nagpositibo sulod sa singkwenta ka mga draybers. Subli usab nga mipahimangno si Regional Director sa Land Transportation Office, Raul Aguilos nga tumanon unta sa mga drayber kun unsay balaod. (BANAT NEWS)