CEBU, Philippines - Ang environmentalist nga bise mayor sa lungsod sa San Francisco, Camotes, Al Arquillano nanawagan nga palapdan pa ang impormasyon kabahin sa climate change aron ang katawhan ma-edukar bahin niini.
Matud ni Arquillano nga mabantayan nga kasagarang problema karon mao ang baha kini matawag nga resulta sa climate change.
Ang katawhan dunay obligasyon sa panginlabot kabahin sa nahitabo sa iyang palibot tungod kay ang kagamhanan nagkinahanglan usab og tabang sa katawhan nga masulbad ang problema. Ang bise mayor nagkanayon nga ang katawhan kinahanglan usab makahibawo kung unsay ilang obligasyon aron sila usab mogama og kaugalingong pamaagi kung dunay katalagman ug usab sa pagpreserba sa kalikupan.
Apan giangkon niyang duna gyuy mga tawong dili mopatuo bisan pa man sa warning nga peligro ang ilang gikahimutangan tungod kay walay suporta sa lokal nga kagamhanan ug nanginabuhi usab sila sa maong dapit. - /EIM (BANAT NEWS)