CEBU, Philippines - Duha ka sakop sa Special Weapons and Tactics (SWAT) sa Cebu City Police Office ang girelibuhan sa ilang mga pwesto human sa giingong pagkulata nila sa usa ka nagpabadlong nga langyaw niadtong Domingo.
Ang mga girelibuhan mao silang PO1 James Philip Tanza ug PO1 Bradford Lavandero kini human gipasanginlang nangulata sa usa ka Papua New Guinea national nga si Benidict Pinini, 29, ug usa ka tinunan sa usa ka unibersidad dinhi sa syudad. Ang maong langyaw sumala pa sa report pwerteng huboga nga nagpunay og wild ug giingong nanghapak og bato sa usa ka drayber sa taksi hinungdan nga kini gipadakop.
Ang hepe sa SWAT ug kasamtangang Officer In Charge sa Cebu City Police Office Supt. Arnel Banzon nga nahinabi kontrobersya alang sa imbestigasyon.Ang maong langyaw giingong mihapak og bato sa drayber sa taksi nga si Giovanni Catib kinsa nagpatabang sa kapolisan apan sa pagabot sa mga polis gikatahong milugnot og maayo si Pinini hinungdan nga kini nagamitan og pwersa sa mga polis.
Samtang si Catib kinsa diha sa pagaresto sa langyaw gikatahong midapig sa mga polis tungod kay siya maoy unang gihilabtan sa langyaw maong nagpatabang siya sa polis tungod kay matud pa niya kung wala pa mangabot ang mga polis nakulatahan na siya sa suspek nga pwerteng huboga. (BANATNEWS)