Second Republic gipapas
1945— Gianunsyo ni Presidente Jose P. Laurel ang opisyal nga pag-dissolve o pagputol na sa Japanese Occupation sa Philippine Republic nga gitawag usab kaniadto nga Second Republic nga giestablisar panahon sa pagkasakop sa Pilipinas sa mga Hapon. Ang pagpahibalo ni Laurel gihimo niya kini sa Sugamo Prison, Tokyo, Japan. Human niini gi-broadcasts niya gikan sa Japan nga ang Japanese-sponsored republic patay na.
1969 Woodstock
1969 – Mao kining adlawa ang gitakda untang opisyal nga pagtapos sa tulo ka adlaw nga Woodstock Music Festival nga ang katuyoan mao ang pagduso sa kalinaw ug musika nga gihimo duol sa Bethel, New York, USA. Apan Agosto 18 nalang wala gihapon mamauli ang mga tawo maong mipadayon gihapon sa ilang konsiyerto ang onse ka mga sikat kaayong mga singers, banda ug musikero nga sila si Jimi Hendrix, Crosby, Stills, Nash & Young ug Blood Sweat and Tears. Atol sa Woodstock 32 ka mga sikat nga banda ug musikero sa kalibutan ang mitukar sama sa The Who, Jefferson Airplane, Joe Cocker, Sly & the Family Stone, Joan Baez, Crosby, Stills, Nash & Young, Janis Joplin, Creedence Clearwater Revival, Grateful Dead, Blood, Sweat & Tears, Ravi Shankar, Santana ug legendary Jimi Hendrix. Daghan ang nagtuong walay makatupong sa maong Woodstock itandi sa misunod pang Woodstock.
Monica Lewinsky scandal
1998 –Atubangan sa telebisyon dili lang sa Amerika kundili lukop kalibotan giangkon ni Presidente Bill Clinton sa grand jury nga duna sila’y ‘relasyon’ sa White House intern nga si Monica Lewinsky. Bulan pa lang sa Enero nianang tuiga migawas na ang maong eskandalo apan wala gyud moangkon si Clinton.