CEBU, Philippines - Gikalipay sa Saint Theresa’s College (STC) High School Department ang pagbasura sa korte sa writ of habeas data nga gipasaka sa ginikanan sa duha ka bata nga wala papasoha sa ilang graduation rites niadtong Marso ning tuiga.
Ang abogado sa STC si Joan Largo nagkanayon ang pagbasura sa kaso timailhan nga sakto ang baruganan sa STC pag- implementer sa ilang rules and regulations.
Kahinumduman nga ni file og kaso ang mga ginikanan aron pugson ang STC nga i-turnover ang mga hulagway nga anaa nila nga maoy gigamit nga ebidensya.
Ang ginikanan miinsister nga nalapas sa STC ang “rights of privacy” sa mga bata dihang ilang gi-download ang mga hulagway gikan sa Facebook accounts.
Apan matud pa ni Largo nga ang desisyon ni Judge Raphael Yrastorza sa Regional Trial Court Branch 14 nagkanayon nga dili na makapangangkon og “privacy” kun ang hulagway i-post sa Facebook kay kini social networking site ug makita kini sa mga ‘friends’ sa account.
Ang mga bata wala tuguting makapaso tungod sa gihulagway sa STC nga mga malaw-ay nga hulagway nila diha sa Facebook. (BANAT NEWS)