Dili na angay ikahibulong sa usa ka politiko ang pagbalhinbalhin og partido. Busa kun si Juan kauban ni Pedro karon, mahimong sa sunod, kontra na ni Pedro si Juan.
Mao nay giingon nga walay permanente sa politika.
Busa kun kinsa man karon ang nanglukso na, kinsa man tong mga kanhi kaatbang apan karon kauban na, katong mga nagkinihaay apan nagkauliay na ug kadtong nipis pa apan karon baga na (nawong ha dili bulsa (Toink!/aguy!)Aw! bahala namo gud!) Congratulations!!!!!!!!! Usa ka gyud ka Politiko.
PO - los
LI – sod
TI – noon ang
KO –lor(Toink!/Ayay!)
Hehehehehehehehehehehehehehehe!
Ang pagtapon-tapon sa partido nahimo nang kabahin sa bulok sa politika. Usa unta ni sa barometro pagtino sa baroganan sa usa ka nagpasiatab nga moalagad sa katawhan apan ang mayoriya nalipat na ug gihimong hapin ang paghatag og mas lapad nga serbisyo sa mga hingtungdan.
Samtang nagkinahanglan tinuod ang gobiyerno og mga tawo nga mopadagan hangtod asa kutob tang mosayaw sa sonata nga ang mga nagpasiatab nga moalagad maoy nagpatokar? Kanus-a ta mopatokar sa atong kaugalingong sonata ug nga ang mga politiko maoy mosayaw og dili kita?
Yano lang ang punto, angay pa bang isalig ang imong buto ining mga tawong serbisyo ug pag-alagad maoy gipasiatab apan ang kauhaw sa pwesto maoy tataw nga nagpasulabi?
Angay bang konsiderahan ang pagsuka sa baroganan aron konohay mahiluna og makapadayon sa iyang serbisyong gitinguha?
Hangtod kitang katawhan dili makakita sa panginahanglan pagpakita nga dili ta kaduwaduwaan ining mga politikong nagsinawayay, nagkinihaay, nagpasanginlanay unya takulahaw lang magka-uli sa tumang kasayon tungod sa lumba sa politika, pabiling pahimuslan ang kaligdong sa atong katungod.
Magpabiling biktima ang kataw-han sa pasalig ug pasiatab ining mga gitawag og Mister lukso lukso.
(Ministro sa Pransiya misuroy sa Pilipinas nakakitag nangihi daplin sa dalan).
Ministro: Didto sa amo sa Pransiya amo nang gipapriso.
(Sa kauwaw si Erap mibisita sad sa Pransiya para makabawos)
Erap: Aha! Karon lang…. Ministro ingon ka dinhi sa inyo prisohon ninyo ang mangihi.
Wala man lagi ninyo dakpa nang nangihi diha sa Arc de Triumphe.
Ministro: Ah eksimted na siya.
Erap: Ngano man?
Ministro: Ang inyo man nang ambassador (Toink!/Aguy!)
Hehehehehehehehehehehehehehehehe!
(emailad: jomar_bellita@yahoo.com.)