CEBU, Philippines - Giawhag ni Cebu Archbishop Emeritus Cardinal Vidal ang mga katoliko nga mobarog sa pagsupak sa balaudnon nga gisang-at ni Kabataan party-list Representative Raymond Patino nga nagdili na sa mga ‘religious symbols’ sa mga opisina sa gobiyerno ug publikong lugar.
“I urged the Cebuanos to stand up against the proposal because this is not just on the religious aspect, it is a kind of culture peculiar to Cebuanos,” matud pa niini.
Mimugna og kasikas ang House Bill 633- O ang Religious Freedom in Government Office Act nga gipasa sa Kongreso ni Patino kinsa nagtuong kinahanglan ang maong balaudnon aron mapakita ang kagawasan sa mga tawo sa pagpili sa ilang relihiyon.
Apan si Vidal misupak niini ug mihulagway nga pagpanghilabot kini sa kultura ilabi na sa mga Cebuano nga nailhan nang deboto sa imahe sa Balaang Bata nga si Senyor Sto. Niño.
Kasagaran sa mga buhatan ug establisamento sa Sugbu adunay rebolto sa Senyor Sto.Niño.
“Everybody should know that the devotion to Sto.Niño has entered the culture of the Cebuanos,” matud pa niya. “If you are touching the image of the Holy Child, you are also touching the culture of Cebuanos,” pasabot pa niya.
Dugang pa ni Vidal nga isip mga representante sa mga katawhan, angay unta nga modangop una ang mga kongresista sa kadaghanan aron matino kun uyon ba sila sa dili pa kini mopasar og balaudnon. (BANAT NEWS)