CEBU, Philippines - Mahingpit na ang kontrato sa pagbaligya sa kagamhanan sa lalawigan sa Sugbo sa coal ash sa Korean Electric Power Corp. (KEPCO) sa siyudad sa Naga kun mapirmahan na ang Memorandum of Agreement (MOA) tali sa lalawigan sa Sugbo ug sa CEMEX karong Hunyo 22, 2012.
Suma pa ni Provincial Legal Officer, Marino Martinquilla nga naandam na ang maong kontrato human sa nagsunod-sunod nga tigum nga gipatawag ni Gobernador Gwendolyn Garcia.
Sumala ni manlalaban Martinquilla nga ang mga probisyon sa maong MOA susama sa miaging mga kasabutan sa mga kompanya nga buot usab nga mopalit sa coal ash sa KEPCO sama sa Geo Transport.
Base sa kontrato, ang CEMEX magbayad sa kagamhanan sa lalawigan sa Sugbo kay mao kini tighipos sa coal ash nga linabay gikan sa KEPCO ug mao usab kini ang may katungod sa pagbaligya niini.
Ang coal ash gamiton sa CEMEX isip sangkap sa produktong semento niini. (BANAT NEWS)