CEBU, Philippines - Gikan sa ika-45 sa listahan sa survey sa Pulse Asia sa mga angayang modagan pagkasenador karong umaabot piniliay sunod tuig nabutang na sa ika-29 si Gov. Gwendolyn Garcia.
Ang Pulse Asia Survey mipagawas sa ilang ‘2013 Elections: Senatorial Preferences’ nga kagahapon lang sa hapon gipagawas sa ilang website.
Ang survey gihimo niadtong Mayo 20 ngadto sa Mayo 26 diin ang pangutana nagkanayon: “Kun ang eleksyon himuon karong buwana si kinsa man ang imong botaran?”
Ang mga tawong mitubag sa pangutana mipili og 44 ka mga pangalan ug si Garcia nabutang sa ika-29.
Ang capitol consultant nga si Atty. Rory Jon Sepulveda pinaagi sa gipadalang text message sa The Freeman ang igsuong mantalaan sa Banat News nagkanayon nga masaligong kaya nilang padaugon si Garcia.
“We are right on track. Elections is still a year away. We need all support we can get. We can do it.”
Samtang ang Secretary General sa One Cebu Party Pablo John Garcia mipadayag usab pinaagi sa text message nga “Its not magic 13 yet but its significant bump. I guess it’s because she’s already declared her intentions to run for the senate. There’s a lot of hard work to do in the next few months.”
Si Garcia sa miaging susamang survey niadtong buwan sa Pebrero hangtod Marso nahimutang lang kini sa ika- 45 nga slot sa 74 gipilian pagkasenador. Ang resulta sa survey maoy nakaagni kang Garcia nga modagan sa Senado.
Si Garcia bag-ohay lang nagpasakop sa partido ni Bise-presidente Jejomar Binay. (BANATNEWS)