Mga bukog sa babaye nakawtan

CEBU, Philippines - Ang mga trabahante nga nagkoral sa karaang Palm Lodge hotel sa sitio Neighborhood, barangay Tabunok, dakbayan sa Talisay naukay tungod sa mga bukog sa tawo nga ilang nakawtan kagahapon sa buntag.

Ang maong mga bukog nga nangagupok na gituohang iya sa usa ka babaye nga gituohang gipatay ug gilubong sa maong lugar sa milabay’ng katuigan.

Lakip sa nakawtan tapad sa mga bukog ang usa ka kutsilyo nga gitaya na pag-ayo. Sila si PO3 Ferdinand Pablo ug PO3 Benedicto Lasque kinsa miresponde sa maong alarma maoy midala sa maong bukog ngadto sa PNP Crime Laboratory pagsuta kung bukog ba gayud kini sa tawo.

Si Mario Villaro, 58, tanod sa barangay Tabunok sa pakighinabi niini sa Banat News kagahapon nagkanayon nga ang mga nagkoral sa karaang hotel karon misulti kanila nga nakadungog sila og tingog sa usa ka babaye usa niana ka gabii sa alas 12:00 ang takna hangtud na sa pagkakaadlawon nga nagsiyagit ug nangayo og panabang ug misulti nga adunay gilubong duol sa punoan sa dakung Balite diin didto usab hikawti nila ang maong mga bukog. (BANATNEWS)

Show comments