MAY 15 1859—Gipanganak si Pierre Curie nga usa ka French physical chemist nga usa sa nakaangkon sa prestihiyosong Nobel Prize for Physics niadtong 1903. Ang iyang pagtuon sa mga radioactive substances inabagan sa iyang asawang si Marie Curie miresulta sa pagkadiskubre sa radium ug sa mga gamit niini sa tawo. Ang ilang nadiskubrehan mao karon ang gihimong mga basehanan sa nuclear physics ug chemistry nga naglakip sa paghimo og mga medisina, gamit sa enerhiya, ug mga ekipo sama sa x-rays ug uban pa.
1817— Gibuksan ang labing unang pribadong tambalanan sa Amerika nga gipanganlan kaniadto og Asylum for the Relief of Persons Deprived of the Use of Their Reason nga karon gitawag na og Friends Hospital nga gibutang sa Philadelphia, Pennsylvania.
1932— Usa ka halapad nga kudeta ang miulbo sa nasud sa Japan pipila ka tuig una pa magsugod ang giyera sa Ikaduhang Kalibutanong Gubat, ang kudeta miresulta sa kamatayon ni Japanese Prime Minister Inukai Tsuyoshi. - BANAT NEWS