Rama, Garcia mopirma'g MOA

CEBU, Philippines - Usa ka memorandum of agreement (MOA) ang gitakdang pirmahan nila ni Governor Gwendolyn Garcia, Cebu City Mayor Michael Rama ug magpapatigayon Michel Lhuillier alang sa pagpatahum sa Fuente Osmeña.

Kini may labot sa programa   sa pag-ugmad sa Fuente Osmeña   nga maoy gituki sa usa ka tigum nga gitambungan ni Rama ug ni Lhuillier didto sa buhatan sa gobernador sa miaging adlaw. Ang maong proyekto maoy mohatag og dugang atraksyon sa Fuente Osmeña ug uban pang lugar nga matawag nga landmark sa dakbayan sa Sugbo

Sa kasabotan o MOA nga mugnaon tumong niini nga labing mapalambo   ang mga heritage ug historical site ning dakbayan sa Sugbo. Alang kang Rama , sakar kaayo ang tinguha ni Gobernador Garcia ug sa iyang pangandoy nga mahimong hitsura sa dakbayan pinaagi sa pagtambayayong sa kagamhanan sa lalawigan ug sa dakbayan sa Sugbo sa umaabot nga mga adlaw.

Usa sa gitinguha sa duha ka dagkong lider sa lalawigan ug sa dakbayan sa Sugbo mao ang pagpreserbar sa Fuente Osmeña aron ang kaanindot niini masaksihan gihapon sa umaabot nga kaliwatan.  - BANAT NEWS

Show comments