CEBU, Philippines - Wala mailhing lalaki gitangkugo og pusil diha sa Ermita Proper, Brgy. Ermita, dakbayan sa Sugbo sa milabay’ng gabii.
Ang maong biktima gibanabanang 30 anyos, nagsul-ob og itom nga sinena sa sulod gisapawan og yellow polo, maong pants sa ubos ug green nga tsinelas. Base sa imbestigasyon sa Crime Scene Investigation Unit sa Cebu City Police Office pinangulohan ni SPO2 Teodoro Lumanas, ang biktima nga naghapa sa yuta dunay samad pinusilan sa tangkugo lapus sa ubos nga apapangig niini. BANAT NEWS