CEBU, Philippines - Gumikan sa kaguol nga gibiyaan sa kapuyo, miutong ug namatay ang usa ka drayber didto sa sitio Powerplant site, barangay Poblacion, dakbayan sa Toledo niadtong Martes sa hapon.
Ang biktima mao si Pedro Sinco Sibla Jr., 36 ,ulitawo nga may kapuyo, drayber sa traysikol , nga nagpuyo sa maong dapit.
Si SPO4 Gil Lastimosa, desk officer sa Toledo City Police Office nagkanayon nga ang nakadiskobre sa patay’ng lawas sa biktima nga nagbuy-od sa ilang lantay mao ang iyang pag-umangkon nga si Joan Cinco, 22.
Sa wala pa kini mamatay namainit pa kini og kape sa balay sa iyang ginikanan sa buntag nianang adlawa uban sa pagsumbong ngadto sa iyang inahan nga gibiyaan siya sa iyang kapuyo ug sa ilang anak.
Nianang pagkahapon nadiskobrehan nalang nga wala na kini ginhawa nga nagligid sa ilang lantay. - BANAT NEWS