CEBU, Philippines - Nahimong dugoon ang pista sa barangay Libaog sa lungsod sa San Remegio human usa ka lalaki ang napusilan patay sa diskohan sa miaging gabii.
Ang biktima nailhan nga si Benjie Terig, 32, molupyo sa maong barangay samtang ang suspetsado nailhan nga si Ranilo Cogal, molupyo sa maong lugar.
Sa pakighinabi sa Banat News ni PO1Rino Inso sa San Remegio Police Station misaysay kini nga ang biktima ug ang suspetsado nag-abot sulod sa diskohan sa maong lugar ug nagkabingkil ug nagsumbagay.
Apan gilupig sa biktima ang suspek ug daling miibot og armas dayong pusil kang Terig makadaghang higayon diha sa ulo ug nagkadaiyang parte sa lawas kinsa nabugtoan sa kinabuhi.
Ang suspetsado gisuwayan unta paggukod sa kapolisan apan nakaipsot kini. - (BANAT NEWS)