CEBU, Philippines - Usa ka lalaking nagselos ang gitanggong sa Presinto 3 sa Mandaue City Police Office (MCPO) human dunggaba ang usa ka jeepney driver nga iyang gipangabubhoan sa miaging adlaw sa Hermag Village sa barangay Basak sa maong dakbayan. Si Leo Pacultad, 39, taga sitio Basbas, barangay Pagsabungan sa maong dakbayan gipasanginlang midunggab kang Roland Dumaog, 42, nga taga barangay Danlag sa lungsod sa Consolacion. Si PO2 Heraclio Gamboa nga nahinabi sa Banat News miingon giatangan ni Pacultad si Dumaog tungod sa katahap nga giilog sa naulahi ang iyang asawa, butang nga gihimakak usab sa biktima. Ang biktima nagmaneho sa iyang jeepney dihang gipara sa suspek ug dihang nakapaduol ang suspek kalit nga giduslak sa iyang bukton. - BANAT NEWS