CEBU, Philippines - Tulo ka mga lalaki nga gihagad og pinusilay sa laing duha ka mga lalaki apan wala mosanong ang gipamusil hinuon kagahapon sa kaadlawon diha sa Tabada St., Corner N. Bacalso ning dakbayan sa Sugbu.
Sa tulo, si John Christian Reyes Rabago, 25, nga taga Kulbeta 1 sa barangay Mambaling mao ray naigo samtang nanagan ang mga higala niini
Si Rabago mitug-an sa kapulisan nga naglakaw siya uban sa iyang duha ka higala nga nangita og ‘balut’ diha sa maong lugar dihang duha ka wala mailhing lalaki ang miduol ug mihagad kanila og pinusilay.
Apan ila kining gibalewala ug mipadayon sila sa paglakaw, apan kalit silang gipamusil makadaghang higayon sa duha hinungdan sa pagkaigo sa dapi-dapi sa biktima kinsa gidali paghatud sa Cebu City Medical Center (CCMC) samtang ang duha ka gikatahapan dali usab nga misibat sa lugar.
Nagtuo ang kapulisan nga gipareglahan ang biktima uban sa iyang duha ka higala. - BANAT NEWS