CEBU, Philippines - Pormal nang gipasakaan og kasong kriminal ug administratiba diha sa Ombudsman Visayas si Assistant Ombudsman Virginia Palanca Santiago sa mga opisyal sa dakbayan sa Lapulapu nga nasuspenso tungod sa kasong pagpaburot sa presyo sa computers kagahapon sa buntag.
Si Atty. Michael Dignos usa sa mga nasuspenso ug 13 sa iyang mga kaubanan sa Lapulapu City Hall lakip na si kanhi mayor Arturo Radaza maoy mipasaka sa maong kaso diha sa buhatan ni Ombudsman for the Visayas Pelagio Apostol. Kasong kalapasan sa Ethical Standards of a Public Official (sa kasong administratiba) ug RA 3019 o Anti Graft and Corrupt Practices Act (sa kasong kriminal) batok kang Santiago.
Gipasangil nilang nagkunsabo sila si Santiago ug ang reklamanteng si Efrain Pelaez tungod kay bias kini sa mga pamahayag kalabot sa tinud-anay nga sitwasyon sa maong kaso.
“I will not handle, I will inhibit myself, she is an official under my office, I have to send this complaint to Manila for probable fact finding and possible investigation,” pasabot usab ni Apostol.
Matud niya ang kaso posibleng wala silay gihimo o ba kaha usa ka pagpang-harass lang kanila. (BANAT NEWS)