CEBU, Philippines - Gipanghipos sa kapolisan ang mga dispatser ug war watchers diha sa kadalanan subay sa pagpahugot sa pagpatuman sa City Ordinance 2108 o Anti Dispatching and Car Watching.
Miabot og 22 ka mga dispatser ug car watchers ang nadakpan sa managlahing operasyon nga gihimo sa CCPO niadtong miaging adlaw ug gipasakaan og sumbong.
Si Sr. Supt. Melvin Ramon Buenafe, hepe sa Cebu City Police Office (CCPO) nagkanayon nga sa miaging tuig gikan sa Enero hangtud sa bulan sa Disyembre, nakasikop sila og 699 ka dispatser ug car watchers ug 49 kanila adunay mga pending warrant of arrest sa nagkalain-laing mga kaso.
Ang ubang mga dispatser sumala pa sa mga nadawat, nga reklamo sa kapolisan mga bastos, walay pamatasan, maninghag ug dunay uban masuko kung gamay ang itunol sa mga drayber. (BANATNEWS)