CEBU, Philippines - Nakasiguro ang mga opisyal sa Customs Port of Cebu nga wala gyud nila makuha ang ilang target collection sa tuig 2011.
Base sa ulahing talaan ang Customs Port of Cebu mikolekta og P 8.093 bilyones sa tuig 2011.
Apan ang gitahas kanila sa maong tuig mao ang P9.3 bilyones busa wa nila kini makuha.
Matud pa ni Conrado Abarintos, hepe sa cash division sa Port of Cebu nga kun sutaon ang ilang koleksyon, short gyud sila o alakanse sila sa angay nilang kolektahon sa maong tuig.
Ang Customs Sub-Port of Mactan gitahasan ni Abarintos og P570 milyones nga target collection sa tuig 2011 apan P543 milyones ra ang aktuwal nilang nakolekta. (BANATNEWS)