CEBU, Philippines - Adunay panultihon nga nagkanayon; “NO MAN IS AN ISLAND”, sa ato pa, “WAY TAWO NGA USA KA PULO”. Sa atong pagsabot niini, di makahimoang tawo nga mag-inusara sa iyang mga panginahanglan. morag di mabuhi kay di mabulokon ang kinabuhi. Busa angay natong masayran ang tulomanon sa mga hiyas nga alang sa TAWHANONG PAKIGSUOD ... nga mao kini:
l ESTORYA o HANABIA ANG TAWO - Wa nay makalabaw sa kaanindot sa malipayong pulong sa pagtimbaya.
l PAHIYUMI ANG TAWO - Makakunot ang pagmug-ot; sa pahiyom kini makapabatan-on.
l SANGPITA ANG NGALAN SA TAWO - Kinatam-isan pamation ang tingog sa iyang ngalan.
l MAHIGALAON UG MATINABANGON - Kun gusto nga dunay mga suod nga higala, magmahigalaon.
l TINUD-ANAY MAHILIGON SA TAWO - Pagsulti ug pagbuhat, ingon nga ang tanang himoon, tiunay makapahimuot.
l MABINATION SA PAGDAYEG - Mabinantayon sa ikasilo nga pagsaway.
l MASINABUTON SA PAGBATI SA UBAN -- Dalaygong hiyas ug makalipay.
l MAMINAW SA OPINYON SA UBAN - Maminaw sa tulo ka habig: sa imoha, sa iyaha ug sa uban.
l MAABTIK SA PAGHATAG SERBISYO - Way puol nga maalagaron. (BANATNEWS)