CEBU, Philippines - Si 6th district Rep. Gabriel Luis "Luigi" Quisumbing mipaluyo sa kalihukan sa Knights of Columbus (K of C) sa lungsod sa Cordova nga mao ang "Blood-letting Activity" sa nahisgutang lungsod.
Ang K of C Cordova Council No. 9214 malampuson nga mipahigayon sa maong kalihukan uban sa suporta ug pakigtambayayong sa Rural Health Unit sa Cordova ug sa Regional Blood Center sa Department of Health (DOH)7- didto sa Senior Citizen's Building sa lungsod sa maong lungsod niadtong Oktubre 15, 2011.
Sigun pa ni Quisumbing nga ang iyang buhatan kanunay nga mosuporta sa mga kalihukan sa mga organisasyon nga nagtabang sa ubang mga Sugboanon.
Iya usab nga gihangyo ang uban nga ipatigbabaw ang spiritu sa boluntaryong pagserbisyo ngadto sa publiko.
"We really encourage socio-civic organizations to do their part for our fellow Cebuanos. Volunteerism should be promoted because this is a big factor that can make a difference during contingencies," dugang pa ni Rep. Quisumbing. (BANAT NEWS)