CEBU, Philippines - Dako og tinguha ang bag-ong naumol nga Cebu Provincial Anti-Drug Abuse Commission (CPAAC) nga ang tanang sektor nga may labot sa kampanya nga Anti-Drug Campaign sa probinsiya sa Sugbo sama sa kapolisan ug mga barangay official ipaubos usab sa drug test.
Ang pangulo sa CPAAC nga si bokal Ivy Durano kinsa mao usab ang presidente sa Philippine Councilors League (PCL) Cebu Chapter nagkanayon nga ang pagpaubos sa mga law enforcer nga kaabag sa anti-drug commission dili paggukod sa kaugalingong membro niini, kun dili paglimpyo sa organisasyon.
Sigun pa ni Meca nga mao kini ang hangyo sa mga membro sa nahisgutang commission aron mawagtang ang mga pagduda sa kadaghanan bahin sa mga taho nga matud pa may mga police ang nasakpang nalambigitt sa gidiling drugas.
Si Meca niingon nga ang maong tinguha tukion sa mga membro sa Anti-Drug Commission atol unya sa iyang ipatawag nga tigom niini. (WC) (BANATNEWS)